شاب يهدي زوجته سيارة «جاكوار»: أنتي مش أقل من ياسمين صبري (فيديو)

تداول مستخدمو مواقع التواصل الاجتماعي، مقطع فيديو للممثل والإنفلونسر رمزي محمود، وهو يهدي زوجته البلوجر والإنفلونسر جهاد البنا، هدية غير متوقعة، مرددا جملة: «أنتي مش أقل من ياسمين صبري يا قلبي».

ورغم نشر رمزي مقطع الفيديو، منذ بداية العام الجديد، إلا أنه لا يزال يثير ضجة واسعة على مواقع التواصل الاجتماعي، ويشاركه بقوة الكثير من المستخدمين حتى الآن.

وظهر الممثل الشاب، في الفيديو، وهو يهدي جهاد البنا، سيارة «جاكوار»، ملفوفة بشريط أحمر اللون كبير، وبمجرد رؤية زوجته لها، بعد أن أزال زوجها كوفية من على عينيها، عبرت عن سعادتها من خلال صرخة بسيطة ثم الضحك واحتضانه، ثم بدأت في معاينة السيارة من الداخل والخارج.

وعلق رمزي محمود، على الفيديو الذي نشره على «فيسبوك» و«إنستجرام»، قائلا: « كل سنة وإنتي حياتي وأغلى من نفسي، حبيت أفاجئك السنة دي بحاجة طول عمرك بتحلمي بيها، كل العُمر وإحنا سوا كل العمر وإنتِ ماليه حياتي وقلبي وعيني، وأوعدك هحقق لك كل أحلامك وربنا يقدرني وأجيبلك الدنيا كلها، أنتي مش أقل من ياسمين صبري يا قلبي».

وشاركت جهاد البنا، الصور وفيديو السيارة، معلقة عليه: «دى كانت هدية رمزى ليا بمناسبة السنة الجديدة، أنا بحبك أوي، ربنا يخليك ليا يا حتة منى وميحرمنيش من وجودك أبدا، وربنا يقدرنى وأسعدك زى ما بتعمل معايا، ربنا يجعل حياتنا كلها فرح و سعادة وهنا، كده ناقص تعلمنى السواقة بقى».

وانتشر مقطع الفيديو على مواقع التواصل الاجتماعي، وأثار ضجة كبيرة وتعليقات لا تتوقف، أبرزها: « يا رب إحنا مش محتاجين غير واحد رمزي في حياتنا وهي هتتعدل والله»، و«يعني العربية دي والحضن ده بس، أومال لو 128 كانت عملت إيه شورتله باي؟»، و«طب الحاجات دى مضرة بصحتنا وضغطنا والله»، و«شفتوا ده بيضحكها زي ياسمين صبري»، و«ربنا يسعدهم ما شاء الله عليهم، الفديو مبهج جدا ومريح»، و«أنا جوزي هيجبلي عجلة إن شاء الله».