شاهد| «مش عايزة أبقى شمال».. فنانة شهيرة تستغيث بجمهورها بعد اتجاهها للانتحار?
دخلت الفنانة شيري مجدي في نوبة بكاء، وانهارت أمام متابعيها في فيديو جديد نشرته، لتستغيث من تدهور حالتها المادية والمهنية.
ونشرت شيري مجدي، التي شاركت في مسلسل «فرصة تانية»، رمضان الماضي بطولة ياسمين صبري، فيديو لها عبر حسابها الرسمي على موقع التواصل الاجتماعي، فيسبوك، وطلبت من جمهورها فرصة عمل.
وقالت في الفيديو : «بقالي أربع أشهر في ضيقة كبيرة، ومفيش شغل وكل اللي كلمتهم يساعدوني محدش ساعدني، أنا يتيمة الأب والأم، وعايشة لوحدي ومعنديش حد في حياتي يقف جنبي».
وتابعت وهي تبكي: «أنا مش طالبة من حد حاجة غير اللي شايف إني شاطرة يخليني اشتغل، وماكنتش عايزة أخد طريق شمال لأني مش هعرف، أنا كنت بفكر في الانتحار لكن خايفة مش عايزة أموت كده، مش قدامي أي حلول، عمري ما أذيت حد، وياريت اللي يساعدني من غير ما يحسسني إني قليلة».
وتعاطف الجمهور مع الفنانة شيري مجدي، خاصة أنها في بداية مشوارها، وطالبو المنتجين وصناع السينما في مصر بمساعدتها للمشاركة في أعمال فنية.
من جانبها، علقت الفنانة منة جلال على مقاطع الفيديو: «شيري ممثلة شاطرة ومش عشان معندهاش حد ولا وسطة تبقى كده، أنا نزلت الستوري ده عشان عندي ناس كتير جدا مخرجين ومنتجين وناس كتير في الوسط ممكن يساعدوها ويقفوا جنبها، أستغفر الله العظيم يارب».
