قصة قصتي مع سورة البقرة القصة كامله

تجربتي مع القرآن تجربتي مع سورة البقرة منقولة لصاحبها قصة حقيقية القصة بلشت من هون .. متلي متلكن كنت اسمع كتيير عن سورة البقرة ، أسرارها ، بركتها ، كيف إنها بتقلب حياة الإنسان وبتغيّرها وكلام كتير 🌻 حاولت بكتير مرات إني التزم فيها وانوي إني رح بلش وما اقطع أبداً ، بس الصراحة ما كنت حاطة ببالي 100 ٪ أنو بدي التزم عنجد .. كنت انوهم أنو طويلة وكيف بدي التزم فيها كل يوم وما اقطعها ولا يوم أبداً ومن هالحكي .. بعدين قبل رمضان بأسبوع كنت مارقة بظروف جداً صعبة وكنت حاسة هموم الدنيا بقلبي ، طبعاً كلنا منمرّ بأزمات وظروف قاسية .. فقررت أنو التزم فيها من أول يوم برمضان 🌻 أول يوم قرأتها بعد صلاة الفجر وعيّرت الموبايل اديه رح تاخد معي بقراءة لا سريعة ولا بطيئة يعني وسط ، أخدت معي 50 دقيقة بالضبط ، أنا كتير انبسطت لأنو حسيت 50 دقيقة وقت مو طويل وممكن اقدر التزم فيهن كل يوم 🌻 قبل ما بلش قراءة جبت ورقة وقلم وكتبت كلللللل الشغلات اللي بدي ياها تتحقق كلللللشي من أصغر شي لأكبر شي وأكتر شي كنت فكرو مستحيل يتحقق ، بس خلصت طلعو معي ورقتين مليانين دعيت وقلت يارب سورة البقرة على نية كللللل هدول 🌻 بلشت يوم ورا يوم بفضل الله من رمضان ولهلأ والله كارمني فيها ، خلص رمضان وأنا بفضل الله ما قطعتها ولا يوم أبداً ما كنت اقرأها دائماً سحبة وحدة أيام قطّعها بس لما كون بقدر اقرأها بفرد قعدة اقرأها لأنو إلها لذة خاصة جداً جداً 🌻 منجي للتغيير اللي عملتو بحياتي 😍!! 1- البركة البركة البركة بكلللللللللللشي حرفياً كلشي ، بالوقت بالجهد بالصحة بالرزق بكل الأمور 💙 2- التوفيق ( هي النقطة ما فيني اوصفها لأنو مافي وصف بعبّر عنها ) شي عجيب مرات اجي لابكي عنجد لما شوف التوفيق بعيوني سواءً بدراستي الحمدلله أو بحياتي بشكل عام بكل جوانبها 💙 3- العلاقة مع رب العالمين ، مهما كنت بعييييد ومقصّر هالسورة رح تفتحلك بواب القرب من الله ، كيف شلون ما رح تعرف هالشي الله بدبّرلك ياه .. يمكن يبعتلك رفيق صالح يقربك من رب العالمين يمكن يبعتلك أستاذ يمكن يبعتلك مجرد بوست أو جملة توقع بقلبك وتغيرك لأحسن حال 💙 وخلي ببالك يوم تتصحح علاقتك برب العالمين رح يزبط كلللللشي ويتحقق كللللشي بتحلم فيه 💙 4- هاد الإحساس بالتقل اللي كنت حسّ فيه بقلبي اختفى انمحى كلياً من قلبي وحياتي وروحي وكلي! ولا شي قدر يمحي هاد الشعور السيء إلا هالسورة 😭💙 5- رح تكره الذنوب كره العمى ، مابعرف شو السحر بالسورة هي اللي بخليك لما تلتزم فيها تكره كلشي ذنوب وكلشي شغلات ما بترضي الله مهما كانت كبيرة أو صغيرة 💙 6- السعادة .. اللي أغلب الناس فقدتها تماماً هي السورة لحالها سعادة بتعطيك سعادة بتكفيك لتعيش عشرين عمر مو عمر واحد .. سعادة حقيقية ثابتة بروحك مو سعادة مؤقتة هالشي ما بيمنحك ياه إلا القرآن 💙 7- علاقتك بكل الناس اللي حواليك .. (أهلك - رفقاتك - عيلتك) رح تتحسن بشكل رهيب مهما كانت سيئة رح تصير بتجنن وينصلح كلشي عموماً رح تتغير طريقة تعاملك مع كل الناس والأخلاق بحد ذاتها رح تختلف 💙 8- الأحلام .. بفضل الله وحدة من أكبر أحلامي اللي كنت عم اسعى إلها من زمااان اتحققت بطريقة لا توصف .. رب العالمين بيرسملك الخطة لتحقيق حلمك بطريقة تعجز عن شكرو من كتر الجبر والفضل اللي رح يغمرك فيه 💙 ويقيني برب العالمين أنو رح يحققلي بقية أحلامي كلها 💙 قد ما حكيت ووصفت قليل ، رح تصير جزء من روحكن هالسورة رح تتعلّقو فيها وتصير قطعة مهمة من يومكن مستحيل تقدرو تكملو النهار بلاها 😭😍 حبيت احكي تجربتي عسى ولعل تكون مُلهمة لحدا ، تمت اذا اعجبتكم قولولنا رايكم في التعليقات ان انتهيتم من القراءه صلوا على خير خلق الله والله هيرضيكم . صلى الله عليه وسلم.

فريق عمل شبكة اخبار مصر