ممثلة ومغنية وأنتجت 14 فيلم وكان بالنسبة لها فيلم”ورد مسموم” تحدي صعب.. من هي؟

في ندوة تكريم بشرى على هامش فعاليات مهرجان الأقصر للسينما الأفريقية، بحضور كل من: سلوى محمد على والمنتجة إيمان حميدة.

وتحدثت خلال تلك الندوة عن بدايتها في الفن.

وقالت بشرى عن بدايتها في مشوراها الفني: “لما ابتديت المشوار كان صعب وكافحت وأنتجت 14 فيلم والصناعة محتاجة سيدات أكثر قوة في اتخاذ القرار”.

وتابعت:” حاليًا إحنا فى مرحلة حرجة جداً لأننا مقيدين بسبب المحتكر الخارجى اللي هيشترى مواضيع معينة وده بنواجهه بشده والكاتب نفسه بيضطر يحجم فكره وكتابته لأن لو كتب للفنانات كبار فى السن محدش هيتشجع من المنتجين”.

واضافت: “فى مصر عندنا بنات كتير مش متجوزة وفى شباب زى الورد عاوز يتجوز المشكلة الكبرى فى دور الخاطبة إنها توفق الاثنين معًا”.

واكملت:” دلوقتى السينما محتاجة حد يلعب الدور اللى بتلعبه الخاطبة محتاجة شخص بيربط بين المشروع الجيد بالشاشة الجيدة والتوزيع”.

وأضافت المنتجة إيمان حميدة: “فيلم ورد مسموم أنتجته من خلال الشركة التي يمتلكها والدي محمود حميدة، وواجهت في الفيلم صعوبة ومسئولية كبيرة وكان تحدى صعب”.

وتابعت:” وترك لي والدي مساحة أتحرك فيها وزوجى أحمد فوزى صالح وقتها كان مؤلف الفيلم ويرفض وجودي في لوكشين التصوير بالمدبغ لكن اتحديت ونزلت”.