“صدمة”| إلهام شاهين تتعرض للحرق :”النار مسكت في شعري”

كشفت الفنانة إلهام شاهين، عن تعرضها للحرق أثناء تصوير مسلسل “أديب” وذلك من خلال لقائها في برنامج “theinsiderar” عبر قناة “دبي”.

وقالت إلهام، خلال اللقاء  :أنا تعرضت للحرق في مسلسل أديب من إخراج أستاذ يحيى العلمي.. والنار مسكت في شعري بجد.. وقعدت سنة ببروكة لأن مفيش شعر خالص.. وجسمي قعد ملتهب لمدة شهر ونص.. عشان غلطة اتعملت.

وتابعت:تعرضت للغرق في فيلم السجينتان.. أنا وسماح أنور.. لأن كان في إيدينا كلبشات حديد ورمونا في النيل وبيصوروا من على الشط وفاكرينا بنؤدي وإحنا بنغرق.. نسيوا يشيلوا الكلبشات الحديد من إيدينا ويحطوا البلاستيك..

وأضاف:الحديد بياخدنا ونغوض وعمالين ننزل ننزل في النيل.. وماكنوش فاهمين إننا بنغرق دي الكارثة.. هما فاهمين إن ده أداء.. وإحنا بننزل.. لغاية لما طلعنا على الشط بنموت.. اترمينا على الشط.