خالد عليش يعرض الصلح على طليقته.. ورد فعل جرئ منها يصيبه بالجنون
وأشار: أنا عارض الصلح من خلال الأهل والأصدقاء والمعارف والمحامين بالمناسبة.. ومع ذلك بيكون الرد لأ.. لدرجة إني عرضت الصلح إمبارح في كومنت اتمسح واتعملي بلوك.. أنا طلبي شرعي وبسيط أشوف بنتي بشكل إنساني وأفسحها وأخرجها وأسفرها وأعيش دوري كأب.. مكنتش عارف أشوفها بشكل منظم.
واستطرد:اضطريت إني الجأ للقضاء اللي اداني رؤية 6 ساعات في مركز شباب اتحايلت إنه ما يتنفذش وأشوف البنت بالود منفعش روحت مرتين تلاتة.. ومقدرتش استحمل لا أنا ولا البنت.. طيب أعمل ايه ما أنا بقول الود أهو.. أنا مش عارف بتعاقب ليه؟ وعلى ايه؟ أنا آسف إني رفعت قضية لازم أفضل مذلول عشان أشوف بنتي اللي هي حقي.
وأردف:الموضوع لا محتاج ناس تتشهر على قفايا ولا تصريحات.. الموضوع يخلص في قعدة واللي خلاني لجأت إن أكتب ده واللي قبله إن مش لاقي حل ودي ولا حد يتدخل بالرغم إن بقالي سنتين بيتقال عني كلام مش حقيقي مع إني بدفع اللي مطلوب مني و كله تمام بس مكنش هاممني أرد و باللي بيتعمل دلوقت.
واختتم حديثه:شوية و هبطل أرد وأسيب اللي يقول يقول وأخيرًا مستحيل أب يلجأ للرؤية عشان يكسر والدة طفله لأن مفيش حد بيتكسر بعد الطفل إلا الأب.. أب أكيد فشل إنه يشوف طفله وقرر يروح مكان تحت رحمة الأم وكسرته تزيد وهو واقف خايف يقرب من بنته المشحونة ناحيته ومستني يشوف هتحن عليه بابتسامة ولا لأ.
