خالد عليش يعرض الصلح على طليقته.. ورد فعل جرئ منها يصيبه بالجنون
أعلن الإعلامي خالد عليش، اليوم أنه عرض الصلح على زوجته السابقة ميما الشامي، من خلال التعليق على المنشور الذي كانت تشكو فيه من تصرفاته، ولكنها قامت بحذف التعليق وإجراء حظر له.
وبعدها كتب خالد عليش، منشورًا على حسابه الشخصي، عبر موقع تبادل التواصل الاجتماعي فيسبوك.
وكتب عليش، خلال المنشور:بقف كتير أقدام ناس معرفش بيفكروا إزاي.. المفروض منرددش كلام وخلاص.. عشان إحنا مش بغبغانات.. إحنا ربنا إدانا عقل نفكر بيه.. يعني بحارب إني أشوف بنتي بقالي سنة وواعدها بالسفر يعني النية موجودة بس أسفرها إزاي؟.
وتابع:وأنا مش عارف أشوفها ساعتين تلاتة.. ده يوم المنى.. لمّا مامتها توافق إني أسفرها ونسافر لوحدنا.. يتقال ده بخيل ومش عايز يدفع للبواب كم جنيه عشان يغسل عربيتها.. وأنا بعيد أصلًا عشان أجي أحاسب البواب وهى بتاخد الآلافات فيتقال ده مقصر في المصاريف، يتقال ده مدفعش فلوس التمارين اللي أنا مش عارف أشوفها ومعرفش بتروح ولا لأ.. وبتروح كل الحاجات اللي بيتقالي عليها ولا لأ.
وأضاف:وأنا بدفع فلوس تانية و ترد ما بيدفعش.. يتقال دي جابت كب كيك أومال المبالغ اللي بتدفع في الشهر دي بتدفع ليه ؟.. أنا عايز أقفل الموضوع وما اتكلمش فيه أكتر من كده بس بلاقي كلام مستفز اللي عايز يحل بيحل مش بيقعد يرغي.
