بالفيديو: من هو الوزير الذي احب صوفينار وطاردها بالهدايا ( جابلها فيلا وشاليه)
كشفت الراقصة صافيناز، عن تلقيها هدايا كبيرة من وزير إعلام عربي، ولكنها رفضتها، مؤكدة في الوقت ذاته أنها لم تدخل معه في قصة حب، كما أنها لم تراه، حيث كان يرسل له السكرتير الخاص به طوال الوقت، «كان بيعرض عليا حاجات كتير بس ولا خدت هدية ولا شوفته، أياميها مكنتش عاوزة أتجوز جواز مصلحة، دلوقتي ممكن».
وأضافت «صافيناز» خلال لقاء ببرنامج «شيخ الحارة والجريئة»، المذاع على شاشة قناة «القاهرة والناس»، وتقدمه المخرجة إيناس الدغيدي، أن من ضمن الهدايا التي عرضها عليها الوزير العربي، فيلا في فرنسا وأخرى في الشيخ زايد، وشاليه في الساحل وسيارات، ولكنها رجعتها له مرة أخرى.
وفي السياق، فأجا شيخ الحارة، الراقصة صوفينار، بسؤال لها يقول: «أخبارك إيه مع السكران اللي مسك إيدك بالعافية؟!»، لترد عليه: «في الأفراح بيحصل لنا أفلام، لكن الشخص ده ملحقش يمسك ايدي والجارد كان واقف مسكه وحصل مشكلة، وزقه».
كما فاجأها شيخ الحارة بحكاية أخرى، قائلا: «في بورسعيد اترفع عليكي مطوة وخلوكي ترقصي بالعافية؟!»، لترد عليه: «حصل، وبعدها بقيت خايفة أروح أفراح هناك، وكان المفروض معادي الساعة 2 بالليل، وخلوني أشتغل الساعة 8 الصبح عشان أكون أخر نمرة وكل المعازيم يفضلوا، زعلت جدا وكنت عاوزة امشي، ولما فتح المطواة رقصت غصب عني ونسيت كل حاجة».
كما كشف شيخ الحارة أزمة أخرى تعرضت لها صوفينار، وقال: «ضربتي حفلة بدبي عشان مرضيوش يدوكي فلوسك، وكنت طالبة الفلوس قبل الحفلة»، لترد صوفينار: «كنا المفروض ناخد فلوسنا قبل المسرح، وده قانون لأننا لو خلصنا شغلنا محدش هيدينا الفلوس، ومرضوش يدونا الفلوس فمشتغلتش، والراجل قالي بعدها بيومين».
وأوضح «شيخ الحارة»، أن حراسها الشخصيين أطلقوا النيران في الهواء في فرح لها بمحافظة الإسكندرية: «الناس طلعوا فوق العربية وواحد قعد يبوس في زجاج العربية ويقولك بحبك يا مانجا»، لترد عليه: «كان بيبوس في الشباك عند ماما مش عندي، جاردي مضربش نار، وجاردات الفرح ممكن يكونوا ضربوا».
ورد عليها «شيخ الحارة» قائلا: «أحلى جارد في الدنيا، والله لو بقيت الجارد بتاعها مش هشوفك تاني».
وصوفينار راقصة أرمينية من أصل روسي، عملت في البداية راقصة باليه، ثم اتجهت للرقص الشرقي بسبب حبها للأغاني العربية، وظهرت في بعض أغاني الفيديو كليب التي كانت تنتجها قناة «دلع» وحققت شهرة غير عادية.
وبعد ظهورها وهي ترقص في أغنية فيلم «القشاش»، أصبحت نجمة شباك التذاكر لشركة السبكي التي تشارك في معظم أفلامها.
