«أنا هعرف أربيك?».. إجراء رسمي عاجل من عمرو أديب ضد محمد رمضان بعد إهانته.. تفاصيل نارية??

أعلن الإعلامي عمرو أديب، مقاضاة الفنان محمد رمضان، بعد تطاوله عليه خلال الأيام الماضية عبر منشورات ساخرة نشرها على حساباته الرسمية بمواقع التواصل الاجتماعي.

ووجه أديب عبر برنامجه «الحكاية»المذاع على قناة MBC مصر، رسالة إلى محمد رمضان قائلًا: «لو محدش رباك أنا هعرف أربيك، البلد دي فيها قانون يسري على الجميع».

وأضاف أديب أن «الإنسان اللي متربي نعمة، وأنت لو مش متربي في اللي ممكن يربيك، وفي ناس حظها وحش واتعودت تأخذ الحياة بوشها، وأن محدش هيعملها حاجة وبيحسوا أنهم مسنودين»، متابعا: «أنا معنديش مشكلة أختلف مع حد في أي حاجة لكن لما نوصل لعدم الرباية يبقي في قانون في البلد».

وتابع: «النهاردة طلبت من المحامي رفع قضية على محمد رمضان، لإسائته ليا، وأي فلوس هاخدها من محمد رمضان هوديها لمستشفى الأطفال في أبوالريش، حتى لو 5 مليون جنيه».

 وأكد: «أنا مش من النوع اللي ياخد حقه بالتجاوز، البلد فيها قانون ويا أنا يا أنت، وهنروح للقاضي وهو يقول كلمته، إنما قلة أدب لأ، ولو محدش رباك  أنا هربيك، وأنا كنت مستنيلك غرورك يصورلك أي شيء، ولو فاكر إنك مسنود، القانون مش بيسند حد».

يذكر أن الاعلامي عمرو أديب قد شن هجوما عنيفًا على رمضان خلال الأيام الماضية بعد رد فعله على حكم المحكمة بإلزامه بدفع 6 ملايين جنيه تعويضًا للطيار أشرف أبواليسر، حيث ظهر في مقطع فيديو وهو يلقي أمواله في حمام السباحة.

وعلق عمرو أديب على الفيديو قائلًا: «الناس مش لاقية فلوس وإنت بترميها حتى لو مزيفة.. اللي فاكرينه موسى طلع فرعون»، في إشارة إلى اسم مسلسل رمضان الجديد «موسى».

ما رأيك في تصرف عمرو أديب ضد محمد رمضان؟ شاركنا في التعليقات أسفل الخبر.